ബാക്കി

കൊടുങ്കാറ്റില്‍ മാമരങ്ങള്‍ പറന്നുപോയി
ഒരു പൂച്ചെടി മാത്രം അതിന്റെ പൂവിനെ മാറോടണച്ചു
ചുംബിച്ചുനില്‍ക്കുന്നു
പണം പൂത്തുനിന്ന കൊട്ടാരങ്ങളെല്ലാം നിലംപരിശായി
മണ്ണെണ്ണവിളക്കണയാതെ ഒരു ഓലക്കുടില്‍ മാത്രം ആര്‍ക്കുവേണ്ടിയോ കാവല്‍നില്‍ക്കുന്നു
ആരവങ്ങളെല്ലാം തിരമാലകളില്‍ മുങ്ങി
ചുണ്ടില്‍ തസ്‌ബീഹിന്റെ മര്‍മരവുമായി
ഒരു ദിക്‌റ്‌ പാടിക്കിളി മാത്രം
സുജൂദില്‍ വീണിരിക്കുന്നു
അപ്പോഴും ഒരു പൈതല്‍
ദൈവത്തെ സ്‌തുതിച്ചുകൊണ്ട്‌ ഗര്‍ഭപാത്രം തുരന്നു പുറത്തുവരാന്‍ വെമ്പുന്നു
ദൈവമേ,
നിന്റെ രഹസ്യങ്ങളുടെ ഖജാനകളില്‍
എനിക്കൊന്നു കണ്ണെറിയാനാവുമോ?

പിരിശം

പിരിശം
എന്റെ സ്വന്തം ബ്ലോഗ്‌
ഇനി മുതല്‍ എന്റെ മനസ്സെഴുത്തുകള്‍ പിരിശത്തില്‍
അതെ,
പ്രിയപ്പെട്ടവര്‍ക്കായി